Azərbaycan, Bakı, 24 noyabr /Trend, müxbir Maksim Tsurkov/
Gürcüstan 2014-cü ilin yanvar-oktyabr aylarında Azərbaycandan 509,36 milyon dollar dəyərində məhsul idxal edib. Trend-in məlumatına görə, bu barədə Gürcüstan Milli Statistika Xidmətinin 2014-cü ilin 9 ayının nəticələri üzrə xarici ticarət hesabatında bildirilir.
Hesabata əsasən, Azərbaycandan Gürcüstana idxalın həcmi il ərzində 3,9 faiz yüksəlib. Müqayisə üçün: 2013-cü ilin analoji dövründə Gürcüstan 490,27 milyon dollar məbləğində Azərbaycan məhsulu idxal edib.
Azərbaycan Gürcüstanın məhsul idxal etdiyi ölkələr siyahısında üçüncü yeri tutur. Ölkəyə gətirilən malların ümumi həcmində Azərbaycan ixracının xüsusi çəkisi 7,3 faiz təşkil edir.
Gürcüstan daha çox Türkiyədən məhsul idxal edir. 2014-cü ilin ilk 9 ayında Gürcüstan Türkiyədən 1,4 milyard dollar dəyərində (və ya idxalın ümumi həcminin 20 faizi) məhsul idxal edib.
Çin 612,3 milyon dollarla və ya Gürcüstan idxalının ümumi həcminin 8,7 faiz xüsusi çəkisi ilə ikinci yeri tutur.
Gürcüstan Azərbaycandan əsasən qaz, neft məhsulları, elektrik enerjisi və s. idxal edir.