Azərbaycan, Bakı, 2 iyun /Trend, müxbir Ənvər Məmmədov/
"Visa" beynəlxalq ödəniş sistemi Azərbaycanda emitent bankların sayını artırmağı planlaşdırır. Trend-in məlumatına görə, bunu "Visa" şirkətinin Azərbaycanda biznesin inkişafı üzrə meneceri Nurlan Hacıyev brifinqdə deyib.
Onun sözlərinə əsasən, bununla əlaqədar "Visa" ölkənin 3 bankı ilə danışıqlar aparır: "Hazırda bizim 36 emitent bankımız var. Aralarında "Caspian Development Bank" və "Ziraat Bank"ın olduğu 3 bankla danışıqlar aparırıq".
N.Hacıyev qeyd edib ki, hazırda Azərbaycanın 20 bankı internet mühitdə təhlükəsiz ödənişlər xidmətini (Verified by Visa) göstərir: "Azərbaycan bankları, həmçinin nağdsız ödəniş xidmətləri (Visa pay Wave) də təqdim edirlər".