Azərbaycan, Bakı, 6 iyul /Trend/
Dövlət Gömrük Komitəsi son günlər bəzi yerli kütləvi informasiya vasitələrində Ermənistan Maliyyə Nazirliyinin gömrük xidmətinin hesabatına istinadən Azərbaycandan Ermənistana mal ixrac edildiyinə dair yayılan məlumatlara münasibət bildirib.
Məlumatlarda göstərilir ki, guya Azərbaycandan Ermənistana 600 dollarlıq mal idxal edilib.
Azərbaycan Dövlət Gömrük Komitəsinin mətbuat xidmətindən Trend-ə daxil olan məlumatda bildirilir ki, yayılan bu cür informasiyaların heç bir əsası yoxdur, ümumiyyətlə, Azərbaycanla Ermənistan arasında heç bir xarici ticarət (idxal-ixrac) əməliyyatları həyata keçirilmir.