İlk xəbər saat 11:17-də yayımlanıb
Bakı. İlkin Şəfiyev - Trend:
Rusiya və Azərbaycan arasında əlaqə - iqtisadiyyatın müxtəlif sahələrini əhatə edən strateji tərəfdaşlıq əlaqəsidir.
Trend-in məlumatına görə, bunu Rusiya-Azərbaycan İşgüzar Şurasının rəhbəri Aleksey Repik Bakıda IX Azərbaycan-Rusiya Regionlararası Forumu çərçivəsində keçirilən Azərbaycan-Rusiya və Rusiya-Azərbaycan İşgüzar şuralarının genişləndirilmiş iclasında deyib.
A.Repik deyib: “Hazırda iki dövlətin icra hakimiyyətləri sahibkarların rahat, maneəsiz qarşılıqlı fəaliyyətinin təmin olunmasını qarşıya hədəf qoyub”.
Onun sözlərinə görə, Şura ikitərəfli iqtisadi münasibətlərin inkişaf töhfə verməkdə davam edəcək:
“Bizim qarşımızda böyük hədəf dayanıb – iki dövlətin liderlərinin göstərişlərini praktiki müstəviyə yönəltmək. Hesab edirəm ki, ikitərəfli layihələrin reallaşdırılmasına tez-tez və şəxsi görüşlərdən başqa heçnə daha çox əlavə təkan verə bilməz. Azərbaycan tərəfi bizi bu iclasa dəvət etməklə bu cür imkan təklif etdi”.