Bakı. Sara İsrafilbəyova - Trend:
Almaniya Azərbaycanla enerji, tikinti, kənd təsərrüfatı, turizm, eləcə də peşəkar-texniki hazırlıq sahələrində əməkdaşlığın böyük perspektivlərini görür.
Trend-in məlumatına görə, bunu Bakıda Azərbaycan-Almaniya yüksək səviyyəli işçi qrupunun səkkizinci iclası çərçivəsində Almaniya İqtisadiyyat və Energetika Nazirliyinin Xarici iqtisadiyyat şöbəsinin rəhbəri Ekhard Frants jurnalistlərə deyib.
O bildirib ki, hazırda, əsasən enerji sektorunda danışıqlar aparılır:
“Almaniya qaz tədarükünün şaxələndirilməsi üzərində işləyir və “Cənub Qaz Dəhlizi” bunda vacib rol oynayacaq”.
E.Frants əlavə edib ki, digər müzakirə olunan məsələ peşəkar-texniki hazırlıq mövzusudur:
“Bu, Almaniyanın uğurlu iqtisadiyyatının əsas amilidir, çünki yüksək ixtisaslı mütəxəssislərdən çox şey asılıdır. Biz ümid edirik ki, bu sahədəki təcrübəmiz Azərbaycan üçün səmərəli olacaq”.