Bakı. Kəmalə Məmmədli - Trend:
Noyabrın 6-da Türkiyədə Bakı-Tbilisi-Qars dəmir yolu ilə Avropaya yollanan “China Railway Express” yük qatarının qarşılanma mərasimi keçiriləcək.
Bu barədə Trend-ə Türkiyə Nəqliyyat və İnfrastruktur Nazirliyindən bildiriblər.
Ankara dəmiryol vağzalında keçiriləcək mərasimdə nazir Mehmet Cahid Turhan da iştirak edəcək.
Çindən yola düşmüş “China Railway Express” yük qatarı Türkiyə ərazisindən keçərək Marmaray tuneli vasitəsilə Çexiyanın paytaxtı Praqaya hərəkət edəcək.