...

Azərbaycan vasitəsilə tranzit konteyner daşımaları artıb

Biznes və iqtisadiyyat xəbərləri Materials 16 May 2020 09:55 (UTC +04:00)
2020-ci ilin fevral-aprel aylarında “ADY Container” şirkətinin Mərkəzi Asiya və Azərbaycan vasitəsilə hər iki istiqamət üzrə tranzit konteyner daşımalarının həcmi 2019-cu ilin eyni dövrü ilə müqayisədə 10 faiz artıb
Azərbaycan vasitəsilə tranzit konteyner daşımaları artıb

Trend-i buradan izləyin

Bakı. Nərgiz İsmayılova - Trend:

2020-ci ilin fevral-aprel aylarında “ADY Container” şirkətinin Mərkəzi Asiya və Azərbaycan vasitəsilə hər iki istiqamət üzrə tranzit konteyner daşımalarının həcmi 2019-cu ilin eyni dövrü ilə müqayisədə 10 faiz artıb.

Bu barədə Trend-ə “ADY Container” MMC-dən bildiriblər.

Hesabat dövründə 4 393 ədəd konteyner daşınıb. 2019-cu ilin fevral-aprel aylarında bu göstərici 3 987 ədədə bərabər olub.

Qeyd edək ki, pandemiyaya baxmayaraq “ADY Container” beynəlxalq (tranzit) yük daşımalarını davam etdirir.

2020-ci ilin birinci rübündə Azərbaycanın dəmir yolları ilə 11 321 konteyner daşıyıb.

Xatırladaq ki, “ADY Container” MMC “Şərq-Qərb”, “Şimal-Cənub” və Trans-Xəzər Beynəlxalq Nəqliyyat Marşrutu beynəlxalq nəqliyyat dəhlizləri ilə yük daşımalarını artırmaq üçün Uzaq Şərq ölkələri – Çin, Yaponiya, Cənubi Koreya, eləcə də Ukrayna, Türkiyə, Rusiya, İran və Hindistan əməkdaşlığı genişləndirir.

Məqalədə:
Xəbər lenti

Xəbər lenti