Azərbaycan hökuməti 2006-cı ildə ipoteka layihəsinin inkişafına maliyyə vəsaitinin həcmini artırmağı planlaşdırır. Hökumətdən Trend ə bildirildiyi kimi, gələn il bu məqsədlə 100 mlrd manat vəsaitin ayrılması nəzərdə tutulub. Cari ildə ipoetka layihəsi 30 mlrd manat məbləğində maliyyələşdiriləcək.
Dövlət ilk növbədə məqsədli ipoteka layihələrini (gənc ailələr və s.) maliyyələşdirməyi planlaşdırır.
"İpoteka haqqında" qanun 2005-ci il aprelin 15-də parlamentin yaz sessiyasında qəbul olunub və 2005-ci il iyunun 9-da qüvvəyə minib.
Hazırda hökumətdə ipoteka kağızlarının qeydiyyata alınma mexanizmləri və ipotekanın maliyyələşdirilməsinin inkişafı proqramının işlənib hazırlanması məsələsi razılaşdırılır.
