İlin əvvəlindən Azərbaycanın regionlarında 4183 ton tütün yarpağı yığılıb. Kənd Təsərrüfatı Nazirliyinin bitkiçilik şöbəsinin müdiri Əli İsmayılovun Trend ə verdiyi məlumata görə, bu göstərici ötən ilin analoji dövrü ilə müqayisədə 1200 ton çoxdur.
Onun sözlərinə görə, 2005-ci ildə tütün yarpağı istehsalı 8 min ton həcmində proqnozlaşdırılıb ki, bu da ötən ilin analoji dövrü ilə müqayisədə 1300 ton çoxdur.
Tütün yarpağı əsas etibarilə Şəki-Zaqatala iqtisadi raoynlarının ərazisində istehsal olunur ki, buraya Zaqatala, Şəki, Qax, Qəbəl və Balakən rayonları daxildir.
Qeyd etmək lazımdır ki, cari ildə tütünün ümumi əkin sahəsi 3 min hektara yaxın təşkil edib ki, onun yığımı oktyabrda başa çatacaq.
Kənd Təsərrüfatı Nazirliyinin nümayəndəsi həmçinin qeyd edib ki, ötən il ölkədə tütün yarpağının istehsalı 6500 ton təşkil edib.
