Bakıda Ümumdünya Gömrük təşkilatının (ÜGT) MDB ölkələri üzrə regional kommunikasiya qovşağı milli rəhbərliklərinin II iclası keçiriləcək.AR Dövlət Gömrük Komitəsində (DGK) Trend ə bildirilib ki, tədbir sentyabrın 14-15-də DGK-nin regional tədris mərkəzində keçiriləcək.
Komitədə həmçinin qeyd olunub ki, ikigünlük iclasın işində informasiya mübadiləsinin təmin edilməsi ilə yanaşı, bu məlumatların müdafiəsi məsələsi, eləcə də 2005-ci ildə iş planının və 2006-cı ildə tədbirlər planının icrasının vəziyyəti müzakirə ediləcək.
Adıçəkilən kommunikasiya qovşağının köməyilə gömrük təşkilatları arasında informasiya mübadiləsinin aparılması kimi tədbirlər mümkündür ki, bunların nəticəsində narkotik-psixotrop maddələrin və s. qaçaqmalçılığına qarşı mübarizənin yeni üsulları həyata keçirilir.Tədbirin işində MDB və ÜGT ölkələrinin gömrük xidməti nümayəndələri iştirak edəcək.
