2005-ci ilin yanvar-avqust aylarında Azərbaycanda 4979,5 mlrd manat məbləğində tikinti işləri həyata keçirilib ki, bu da 2004-cü ilin analoji dövrü ilə müqayisədə 36,1% çoxdur. Dövlət Statistika Komitəsindən Trend ə verilən məlumata görə, inşaat sektorunda dövlət müəssisələri tərəfindən 1146,1 mlrd manat, özəl müəssisələr tərəfindən isə 3833,4 mlrd manat dəyərində işlər görülüb.
Tikinti işlərinin ümumi həcminin 84,2%-i və ya 4194,8 mlrd manat yeni tikililərin, köhnə tikililərin bərpa və genişləndirilməsinin, 10% və ya 499,7 mlrd manat əsaslı təmirinin, 2,6% və ya 127,8 mlrd manat cari təmirin, 3,2% və ya 157,2 mlrd manat digər tikinti işlərinin payına düşür.
Bundan başqa, göstərilən dövr ərzində ümumi sahəsi 760,6 min m2 olan yaşayış binaları tikilib ki, bu da 2004-cü illə müqayisədə 52,1% çoxdur.
