Sentyabrın 19-da Fransadan iki mütəxəssis meyvəçilik sahəsində tədqiqat aparmaq üçün Azərbaycana gəliblər. Kənd Təsərrüfatı Nazirliyinin elmi-aqrar mərkəzindən Trend ə bildiriblər ki, Fransanın Milli Tədqiqatlar İnstitutunun nümayəndələrinin səfərinin 10 gün davam edəcəyi gözlənilir.
Mərkəzdən bildiriblər ki, səhər mütəxəssislər kənd təsərrüfatı nazirinin müavini Bəhram Əliyev tərəfindən qəbul ediliblər. Daha sonra onlar 2 gün meyvəçilik və tərəvəzçilikdə virus xəstəlikləri ilə tanış olmaq məqsədilə Qubadakı meyvə bağlarında olacaqlar.
Bundan başqa, səfər gedişində fransızların səfəri gedişhində Bakıda Milli Elmlər Akademiyasının əməkdaşları üçün yuxarıda göstərilən sahələr üzrə virus xəstəlikləri ilə mübarizəyə, yeni avadanlıqların müxtəlif növləri ilə tanışlığa həsr olunmuş seminarın keçirilməsi də nəzərdə tutulub.
Mərkəzdən bildiriblər ki, artıq ötən ilin sentyabrında Fransadan olan mütəxəssislər Azərbaycanda olublar. Bu tədbir Fransa ilə Azərbaycan arasında əməkdaşlıq proqramı çərçivəsində həyata keçirilir.
