Noyabrın 14-18-də Antalyada BMT-nin rəqabət məsələləri üzrə icmal konfransı keçiriləcək. Trend in xəbər verdiyi kimi, sentyabrın 27-də UNCTAD-ın rəqabət və istehlak siyasəti şöbəsinin rəhbəri Filipp Brusik Azərbaycan hökumətini, xüsusilə, iqtisadi inkişaf naziri Fərhad Əliyevi rəsmən bu konfransda iştirak etməyə dəvət edib.
"Konfrans zamanı biz rəqabət sahəsində BMT qaydalarının bir hissəsi kimi ayrı-ayrı ölkələrin rəqabət strategiyasının işlənməsinə yardım məsələlərini, formal və qeyri-formal sektorda rəqabət problemini müzakirəyə çıxarmağı planlaşdırırıq. Bundan başqa, proqramda beynəlxalq ticarət sazişləri ilə bağlı məsələlərin, rəqabət strategiyalarının işlənməsində UNCTAD-ın qüdrətinin artırılması məsələsi və məhkmə instansiyalarının iştirak probleminin də müzakirə olunacağı nəzərdə tutulub", - deyə F.Brusik qeyd edib.
