Ölkədə sığorta işinin inkişafı ilə bağlı xüsusi proqramın qəbul olunmasına ehtiyac vardır. Bu barədə Beynəlxalq Sığorta Şirkətinin müşahidə şurasının sədri Xəyal Məmmədxanlı Trend xəbər agentliyinə müsahibəsində bildirdi.
Onun sözlərinə görə, bu proqramda xüsusilə də fərdi sığorta satışının və həyat sığortasının tətbiqinin inkişafı, habelə nağdsiz sığorta ödənişlərinin genişləndirilməsi və bu kimi digər məsələlərə diqqət yetirilməlidir. X.Məmmədxanlı artıq sığorta sahəsində də ödənişlərin kartlar vasitəsilə həyata keçirilməsinin vaxtının çatdığını qeyd etdi.
