Noyabrın 21-də Kənd Təsərrüfatı Nazirliyi nəzdində fəaliyyət göstərən baytarlıq xidmətinin mütəxəssisləri yoluxucu xəstəliklərlə mübarizəyə yönəlmiş epizootiyaya qarşı tədbirlər çərçivəsində Azərbaycanın regionlarına ezam olunub. Trend in xəbər verdiyi kimi, bu barədə baytarlıq xidmətinin noyabrın 21-də yayılmış press-relizində bildirilir.
Ezamiyyət çərçivəsində brüselyoz və vərəm kimi xəstəliklərə qarşı profilaktik tədbirlərin görülməsində yerli həkim və mütəxəssislərə yardım ediləcək, bu istiqamətdə müvafiq tövsiyələr veriləcək.
Bundan başqa, əhalinin həkimlər tərəfindən baytarlıq sahəsində maarifləndirilməsi üzrə tədbirlərin görüləcəyi də gözlənilir.
Məlumatda o da bildirilir ki, belə tədiblər müntəzəm olaraq həyata keçirilir, mal-qaradan qan analizləri götürülür, mütəxəssislər baytarlıq işlərinin yerinə yetirilməsində fərdi təsərrüfatlara yardım göstərir.
