...

Ziya Məmmədov: ADDY səhmdar cəmiyyətə çevrilə bilər

Biznes və iqtisadiyyat xəbərləri Materials 20 Dekabr 2005 19:07 (UTC +04:00)

Azərbaycan dövlət dəmir yolu idarəsi (ADDY) səhmdar cəmiyyətə (SC) çevrilə bilər. Trend bildirir ki, dekabrın 20-də AR nəqliyyat naziri Ziya Məmmədov bəyan edib. O, bildirb ki, nəqliyyat sektorunun təkmilləşdirilməsi həmin sektorun inkişafı üzrə dövlət proqramlarında nəzərdə tutulur. "Amma ADDY-nin SC-yə çevrilməsi üçün müəyyən vaxt tələb olunur. Dəmiryol təsərrüfatı mürəkkəb sistemdir" -deyə o qeyd edib.

AYİB ADDY-nin lokomotiv təsərrüfatının yaxşılaşdırılması layihəsinə $50 mlnö həcmində kreditin verilməsi üçün idarənin strukturunda islahatlar aparılmasını, xüsusilə SC yaradılmasını təklif edir.

Amma nazir hesab edir ki, Azərbaycan AYİB-in ADDY-nin SC sisteminə çevrilməsi ilə bağlı təkliflərini yerinə yetirmədən də bu krediti ala bilər. "Hazırda kreditin alınması üçün fəal iş aparılır. Ölkə prezidenti müvafiq sərəncamlar verib və kreditin alınması həyata keçiriləcək" -deyə Z.Məmmədov qeyd edib.

AYİB-in $50 mln. həcmində krediti təsdiq etməsi 2006-cı ilin martın 21-də direktorlar Şurasına planlaşdırılıb. Layihənin ümumi dəyəri $70 mln. təşkil edir. AYİB-in$50 mln.həcmində krediti iki tranşda alınacaq. Birinci tranş lokomotivlərin alınmasına nəzərdə tutulacaq. Bu məqsədlə Avropa bankı $27 mln. ayıracaq.

$23 mln. həcmində ikinci tranş Biləcəri və Böyük Şor depolarında lokomotivlərə xidmət bazalarının yaradılması, eləcə də ehtiyat hissələrinin alınması üçün nəzərdə tutulacaq. Həmçinin 60 elektrovoz və teplovozun əsaslı təmiri də planlaşdırılıb.

Xəbər lenti

Xəbər lenti