Bakı metrosu stansiyalarında relslər 100 metrdən bir yeni avadanlıq vasitəsilə birləşdiriləcək. Bu barədə Trend ə metropolitenin rəisi Tağı Əhmədov bildirib. Onun sözlərinə görə, bu məqsədlə Bakı metropoliteninin Ukraynadan aldığı 292 min ABŞ dolları dəyərində rels qaynaqlayıcı xüsusi avadanlıq fevralın sonunadək Bakıya gətiriləcək.
Onun sözlərinə görə, bu, hərəkət zamanı vaqonlarda əlavə səsin yaranmasının qarşısını alacaq, eləcə də relsləri birləşdirən detallara çəkilən xərcləri azaldacaq.
Hazırda yeraltı polad magistralın uzunluğunun 25 metrdən olan relslərdən quraşdırıldığını deyən T.Əhmədov qeyd etdi ki, relslər arasındakı məsafə hərəkət vaxtı vaqonlarda səs yaradır və relsləri birləşdirən şpalların tez-tez sıradan çıxması əlavə məsrəflərə səbəb olur.