Dünya bankının Azərbaycan üzrə baş iqtisadçı Kristos Kostopulosun başçılıq etdiyi missiyası yanvarın 30-da respublikaya gəlib. Bu barədə Trend ə DB-nin Bakı nümayəndəliyində bildirilib. Səfərin əsas məqsədi ölkədəki ümumiqtisadi vəziyyətlə tanışlıq, yoxsulluğun azaldılmasına dəstək (PRSC) krediti çərçivəsində ikinci layihəyə hazırlıqla bağlı hökumətlə müzakirə və DB-nin ikinci "Azərbaycanın institusional quruculuğuna texniki dəstək" (IBTA-2) layihəsinə dair yekunların aparılmasıdır.
PRSC-2 layihəsinə hazırlığa bank və Ar hökuməti ötən il başlayıb. Ölkə $20 mln. məbləğində ikinci tranşın alınması üçün bankın bəzi tövsiyələrini yeri nə yetirməlidir. Bunlardan bəzisi hələ birinci layihə çərçivəsində başlanmış tədbirlərin davamını nəzərdə tutur. Bunlar "İnvestisiya fəaliyyəti haqqında" qanun layihəsi və "Rəqabət haqqında" Məcəllə layihəsinin parlament tərəfindən qəbul edilməsi, həmçinin inhisar əleyhinə departamentinin, Hesablama palatasının funksiyalarının gücləndirilməsi, nəqliyyat sektorunda siyasi funksiyaların kommersiya funksiyalarından ayrılması və bununla bağlı Nəqliyyat Nazirliyinin nəzdində inzibati idarələrin (dəmir yolu, hava nəqliyyatı və s.) yaradılması kimi məsələlərə aiddir. PRSC-1 çərçivəsində Dəniz administrasiyası yaradılıb.
PRSC layihəsinin ümumi dəyəri $60 mln. təşkil edir. Kredit əvsaiti büdcə defisitinin örtülməsinə hesablanıb və Beynəlxalq inkişaf Assosiasiyasının (BİA) şərtlərilə ayrılır. Bu güzəştli kredit 10 il güzəştlə 35 il müddətinə və 0'75% illik faiz dərəcəsi ilə verilir. Bu həcmdə ilk tranş bankın dimrektorlar Şurası tərəfindən 2005-ci ilin mayın 17-də təsdiq olunub.
IBTA-2 layihəsinin gerçəkləşdirən qrupda qeyd olunub ki, bankın missiyası ilə ötən maliyyə ilinin nəticələrinə əsasən layihənin gerçəkləşdirilməsi yekunları, bəzi komponentlərin gerçəkləşdiriloməsi ilə bağlı gecikdirmələrin səbəbi nəzərdən keçiriləcək, eləcə də layihə ilə bağlı ümumi xərclər ümumiləşdiriləcək, çünki hökumət qənaət olunmuş vəsaitlərdən imtina edib. 2002-ci ildə 7'470 mln. SDR həcmində ayrılan IBTA-2 layihəsinin dəyəri dol¬la¬la $9'450 mln. təşkil edirdi. İndi $11 mln. təşkil edir. Bu kredit də BİA-nın şərtləri ilə ayrılıb.
DB missiyası fevralın 9-dək Bakıda olacaq.
