Beynəlxalq valyuta fondunun (BVF) Azərbaycan Dövlət statistika komitəsinə texniki yardımı çərçivəsində fevralın 28-dən martın 3-dək fondun missiyası Bakıya səfər edəcək. Bu barədə Trend ə BVF-in Bakı nümayəndəliyində bildirilib. Missiyaya BVF-in statistika departamentinin aparıcı eksperti Maykl Silver başçılıq edir.
Səfərin əsas məqsədi istehlakçı qiymətləri indeksinin hesablanması üzrə yeni metodologiyanın işlənib hazırlanmasıdır.
Valyuta fondu Dövlət statistika komitəsinə 1993-cü ildən metodik hissə etibarilə texniki yardım göstərir. Fondun ekspertləri ilin hər rübü respublikaya milli hesablama sistemi ilə tanışlıq üçün gəlir və onları hər şeydən çox qiymət statistikası maraqlandırır.