Avropa Yenidənqurma və inkişaf bankının Direktorlar Şurası 2006-cı il aprelin 25-də "Qaradağ-Sement" ATSC-nin yenidənqurulması üzrə ikinci mərhələdə $10 mln həcmində kreditin ayrılmasını təqdir edəcək. Trend in Avropa bankının məlumatına istinadən xəbər verdiyi kimi, layihənin ümumi dəyəri $13,3 mln həcmində qiymətləndirilir. Bu məbləğin $10 milyonu AYİB tərəfindən ayrılacaq. Layihədə əsas məqsədlərdən biri istehsalın ətraf mühitə təsirinin azaldılmasıdan ibarətdir. Sement zavodu tozlandırma texnikasını Avropa Birliyinin standartlarına uyğunlaşdırmağı öhdəsinə götürür ki, buna da sobada elektrostatik süzgəcin quraşdırılması yolu ilə nail oluna bilər.
Ətraf mühitin yaxşılaşdırılması istiqamətində tədbirlərin görülməsi və sərmayənin qoyulması ətraf mühitə dair fəaliyyət planına daxil edilib ki, bu da AYİB-in bu layihədə iştirakı üçün şərtdir.
Fəaliyyət planının gerçəkləşdirilməsi enerji sərfini və s. azaltmağa və zavodun AB-nin ekoloji standartlarına uyğunlaşdırılmasına imkan verəcək.
"Qaradağ sement" ATSC-ni özəlləşdirmiş İsveçrənin Holcim şirkəti zavodun yenidən qurulması üzrə ikinci mərhələdə əlavə $100 mln sərmayə qoymağı öhdəsinə götürüb.
