Azərdəmiryolbank SB-nin "Uduşlu əmanətlər" lotereyasının sayca yeddinci tirajı keçirilib. Trend in xəbər verdiyi kimi, bu barədə bankın press-relizində deyilir. SB-nin daha 4 əmanətçisi pul mükafatlarının qalibi olub.
Hər ay 1 il və ya daha böyük müddətə ən azı 2000 ABŞ dolları məbləğində (valyuta növündən asılı olmayaraq) əmanətə sahib olan Azərdəmiryolbank SB-nin əmanətçilərindən hər biri 1 500 ABŞ dolları qazanmaq kimi çox gözəl imkan əldə edir.
Yeddinci tirajın nəticələrinə əsasən, "Uduşlu əmanətlər" lotereyasının qalibləri: Rzayev R.M - $200; Nəbiyeva Q.İ - $300; Əmircanova F.M - $500; Abbasov M.Q. - $1500 olub.
Stabillik, yüksək faiz dərəcələri və möhtəşəm mükafat kampaniyası Azərdəmiryolbank SB-nin hər bir müştərisi üçündür.