Azərbaycan Milli Bankının "Millikart " prosessinq mərkəzinin təsis edilməsi arzusu ilə 25 bank müraciət edib. Trend in məlumatına görə, AMB-nın İdar Heyətinin sədrinin birinci müavini Alim Quliyev məlumat verib. Onun sözlərinə görə, hazırda mərkəzin banklara verilməsi hüququ müvafiq orqanlarla razılaşdırılır. Bu aşağıdakı qaydada baş verəcək: maraqlı banklar prosessinq mərkəzini təsis edirlər və hüquqi şəxsi kimi Ədliyyə Nazirliyində qeydiyyatdan keçirlər. Daha sonra mərkəzin Milli Bankın balansından bankların balansına keçirilməsi aparılır.
Bu zaman onlar AMB-dan "Millikart"a maya dəyərinə görə haqq ödəyərək MB-a $3,5 mln. ödəyirlər. Mərkəzin Nizamnamə fonduda bu həcmdə formalaşacaq. "MB bu sövdələşmədən əlavə gəlir götürməyə hazırlaşmır. Bank bu mərkəzin yaradılmasına, proqram təminatının əldə olunmasına, avadanlıqlara, Iisa və MasterCard sistemlərində sertifikatlaşmaya, əməkdaşların treninqlərinə sərf etdiyi xərclərə də bu qədər xərc çəkib", - deyə sədr müavini bildirib.
A.Quliyevin sözlərinə görə, danışıqlar artıq başlayıb və bu ilin ərzində artıq sövdələşmə aparılacaq. Banklar mərkəzin idarə olunmasında eyni hüquqlara malik olmalarında maraqlıdırlar.
