Avropa Yenidənqurma və İnkişaf Bankının (AYİB) direktorlar Şurası martın 31-də Azəriqazbanka $4,5 mln. həcmində kredit xətti açılmasının təqdir edilməsini planlaşdırır. Bu barədə Trend ə Azəriqazbank idarə heyətinin sədri Azər Mövsümov bildirib.
Ayrılan vəsaitdən $2,5 mln. ticari inkişaf proqramı, $1 mln. kiçik və orta sahibkarlığın, $1 mln. isə mikro və kiçik biznesin inkişafı proqramı üçün nəzərdə tutulub. A.Mövsümov qeyd edib ki, Avropa bankı kredit müqaviləsinin imzalanması tarixini aprelin 11-nə müəyyən edib.
Kredit xətti 2 il güzəştli ödəmə ilə 5 il müddətinə açılacaq. KOS maliyyələşdirilməsi üçün maksimum $400 minədək ayrıla bilər. Mikro və kiçik biznesə kredit çərçivəsində iki növ kredit ola bilər, yəni $10 minədək və $100 minədək ayrıla bilər.
