Kapitalbank SSRİ-nin əmanət banklarında 1992-ci il yanvarın 1-dən həyata keçirilmiş əmanətlərinin inventarlaşdırılmasını yekunlaşdırır. Trend in bankın idarə heyətinin sədri Rauf Rzayevə istinadən xəbər verdiyi kimi, hesabların inventarlaşdırılması prosesinə bankın 65 əməkdaşı cəb olunub. Bu proses vətəndaşların şəxsiyyətinin müəyyən edilməsi ilə bağlı problemlərin olması ilə əlaqədar uzun çəkəcək. Çünki sovet dövründə son illər ərzində əmək haqqının əmanət bankında hesaba keçirilməsi zaman mənsubiyyət göstərilmirdi.
İlk növbədə yaşlı nəslin nümayəndələri, dövlət qarşısında xidmətləri olan şəxslər əmanətlərini alacaq.
Əmanətlər yalnız Kapitalbankın baş ofisi vasitəsilə veriləcək. Bundan başqa, təqdim edilmiş sənədlərin nəzərdən keçirilməsi üzrə xüsusi komissiyanın yaradılması nəzərdə tutulur və bunun üçün kənardan ekspertlərin cəlb olunması planlaşdırılır.
Maliyyə naziri Əvəz Ələkbərov bu yaxınlarda bəyan edib ki, indeksləşdirilmə prosesi təxminən 2 mln nəfəri əhatə edəcək. Əmanətlərin ümumi məbləği 4,8 mlrd sovet rubluna bərabərdir.
Hökumət bu prosesi 8 il ərzində həyata keçirmək niyyətindədir.