Qiymətli kağızlar bazarının tənzimlənməsi üzrə Koordinasiya Şurası Maliyyə Nazirliyinin qısamüddətli dövlət istiqrazlarının və Milli Bankın notlarının yerləşdirilmə qrafikını təsdiqlyəib. Maliyyə Nazirliyindən Trend ə verilən məlumata görə, Koordinasiya Şurasının qərarı ilə qiymətli kağızlar hər bazar ertəsi, notlar isə hər çərşənbə günü yerləşdiriləcək.
Maliyyə Nazirliyi və Milli Bankın nümayəndələri qiymətli dövlət kağızları bazarının inkişafı üçün fəaliyyət planını müzakirə edib. Antiinflyasiya tədbirləri ilə əlaqədar həmin bazarın həcmini genişləndirmək nəzərdə tutulub.
Maliyyə Nazirliyi 2006-cı ilə 950 mlrd. manat həcmində qiymətli kağızların emissiya prospektini qeydə alıb ki, bunun da 150 mlrd. manatı yerləşdirilib. Belə böyük həcmdə emissiya büdcə kəsirinin örtülməsi üçün 650 mlrd. manat vəsaitin ayrılması ilə bağlıdır.
Maliyyə Nazirliyindən fərqli olaraq, Milli Bank 1 trln. manat həcmində qiymətli kağızları (notları) dövriyyədə saxlamaq niyyətindədir.
Dövlət istiqrazları (5,3%) və notlarının (5% aşağı) gəlirliyi eyni olsa da, Milli Bankın qiymətli kağızlarına tələbat daha yüksədir.
