Aprelin 29-da Bakıda keçirilən İqtisadi əməkdaşlıq üzrə hökumətlərarası komissiyanın II iclasında daşınmalar sahəsində eləcə, də, Avropa-Qafqaz-Asiya (TRASEKA) nəqliyyat dəhlizi üzrə əməkdaşlığın müsbət inkişafını qeyd edilib.
İclas Azərbaycanın baş nazirinin müavini Abbas Abbasovun və Qazaxıstanın energetika və mineral ehtiyatlar naziri Baktıkoja İzmuxambetovun sədrliyi altında keçib.
Trend in verdiyi məlumata görə, Azərbaycan və Qazaxıstan gəmi nəqliyyatı ilə yükdaşınmaları üçün paritet əsasda endirimlərin təqdim edilməsi barədə razılıq əldə ediblər.
2005-ci ildə Azərbaycanla Qazaxıstan arasında dəniz nəqliyyatı ilə daşınan quru yüklərinin (tranzit də daxil olmaqla) həcmi 947 min ton təşkil edib ki, bu həcmdən 350 min ton Qazaxıstandan nəql olunan yüklərin payına düşür.
A.Abbasovun sözlərinə görə, 2005-ci ildə Azərbaycan ərazisi ilə 3,02 mln ton Qazaxıstan nefti daşınıb.
BTC boru kəmərinin iqtisadi cəlbediciliyini qeyd edərək və 2006-cı ilin yanvarında iki ölkənin baş nazirlərinin arasında danışıqlar gedişində əldə olunan razılığa görə, komissiya aprelin 29-da Aktau limanı rayonunda infrastrukturların gələcəkdə təkmilləşdirilməsinin davam etdirilməsini məqsədəuyğun hesab edib.
