2006-cı ilin I rübündə Naxçıvan Muxtar Respublikasına 14899,5 min manat sərmayə qoyulub ki, bu da 2005-ci ilin analoji dövrü ilə müqayisədə 14,6% çoxdur. Bu barədə Trend ə NMR-in Bakıdakı daimi nümayəndəliyindən məlumat verilib.
Bu dövr ərzində tikinti-quraşdırma işlərinə qoyulan sərmayələrin həcmi 12,4% artaraq 12248,8 min manat təşkil edib. Bu göstərici ümumi sərmayənin 82,2%-nə bərabərdir.
Bu dövrdə NMR-in inşaat müəssisələri tərəfindən 9159,4 min manat məbləğində tikinti işləri həyata keçirilib.
I rübdə NMR-də müəssisələrə, təşkilatlara və əhaliyə rabitə sahəsində 558,8 min manat dəyərində xidmət göstərilib. Bu, ötən ilin analoji dövrü ilə müqayisədə 0,4% çoxdur. Ümumi məbləğdən əhalinin payına 397,6 min manat düşüb ki, bu da 2005-ci ilin eyni dövründən 11,7% çoxdur.
Bu dövr ərzində NMR-də 300-dən çox telefon xətti çəkilib.