İyunun birinci ongünlüyünə kimi Bank Respublika Almaniyanın DEG investisiya korporasiyası ilə açıq kredit xətti barədə müqavilə imzalamaq niyyətindədir. Bu barədə Trend ə bankdan məlumat verilib. Kredit xətti kiçik və orta sahibkarlığa yardım üçün nəzərdə tutulub. İlkin razılaşmaya görə, bank üçün 5 illik müddətə $10 mln. xətt açıla bilər.
Bank Respublika artıq investisiya şirkətinin iki kredit xəttini mənimsəyib. Birinci xətt 2005-ci ilin iyulunda $2 mln. həcmində, ikincisi isə 2006-cı ilin yanvarında $3 mln. həcmində alınıb. Onlar da həmçinin, 5 illik müddətə nəzərdə tutulub.
KfW-nin və bank qrupunun üzvü olan DEG və Sparkassen-Finanzgruppe maliyyə qrupunun üzvü olan Sparkassen International Development Trust (SIDT) Azərbaycan bankının kapitalında iştirak edib. Onlara 2005-ci il aprelin 28-də Bank Respublika və Almaniyanın aparıcı maliyyə institutları arasında imzalanan müqavilə üzrə səhm paketinin 25% + 1 səhmləri məxsusdur.