Prezidentin sərəncamı ilə yaradılan Azərbaycanın Dəniz Administrasiyası hökumətə bu il üçün mədaxil və məxariclərinin smetasını təqdim edib. Bu barədə Trend ə respublikanın Nazirlər Kabinetindən məlumat verilib. Azərbaycanın Dəniz Administrasiyası üçün 35-ə yaxın ştat nəzərdə tutulub. Lakin təşkilatın ştatı gəmilərin miqdarının artması və administrasiyanın fəaliyyət dairəsinin genişlənməsi ilə əlaqədar arta bilər. Yaxın vaxtlarda hökumət bu smetanı təsdiqləmək niyyətindədir.
Prezidentin sərəncamı ilə yaradılan dəniz administrasiyası öz gəmilərinə malik olan və Xəzərdə və digər regionlarda çalışan bütün orqanların fəaliyyətini əhatə edir. O, Azərbaycanı beynəlxalq təşkilatlarda, eləcə də IMO - Beynəlxalq Dəniz Təşkilatında təmsil edəcək, Azərbaycanla və onun hüdudlarından kənarda işləyən subyektlər arasında münasibətləri nizamlayacaq. Hazırda Azərbaycanla IMO arasında 34 sənəd imzalanıb. Bu razılaşmaların və konvensiyaların yerinə yetirilməsi üzərində işləri yaradılan Dəniz Administrasiyası yerinə yetirəcək. Bu orqanın rəhbəri Qüdrət Qurbanovdur.
