"Təhsil haqqında" qanuna əalvə və dəyişikliklər edildikdən sonra ictimai müzakirəyə çıxarılacaq. Bu barədə Trend ə Milli Məclisin elm və təhsil məsələləri daimi komissiyasından bildiriblər.
Qeyd olunub ki, ictimai müzakirələr televiziya və radio, eləcə də mətbuat orqanları vasitəsilə aparılacaq. İctimaiyyətin təklifləri reallığı əks etdirərsə nəzərə alınacaq və sənədə daxil ediləcək. Onu da bildirək ki, adıçəkilən qanun layihəsi 1992-ci ildən qəbul olunub. Layihənin Milli Məclisin yaz sessiyasında qəbul ediləcəyi planlaşdırılsa da sənəd üzəri ndə işlər yekunlaşdırılmadığından təxirə salınıb.
O da vurğulanıb ki, sənəd hələ elm və təhsil məsələləri daimi komissiyasında geniş müzakirəyə çıxarılmayıb. Bu müzakirələrin sessiyası arası tətildə aparılacağı istisna olunmur. Komissiya, parlamentin müvafiq qanunvericilik şöbəsinin və Təhsil Nazirliyinin mütəxəssislərinin birgə müzakirəsindən sonra, sənəd ictimaiyyətin müzakirəsinə təqdim ediləcək. Adıçəkilən qanuna əlavə və dəyişikliklər müzakirələrdən sonra qəbul edildikdən sonra sənəd parlamentin payız sessiyasının gündəliyinə çıxarılacaq.