MDB-nin Statistika Komitəsinin məlumatına əsasən, 2006-cı ilin yanvar-aprel ayları ərzində Azərbaycanda ÜDM artımı üzrə ən yüksək göstərici (39,5%) qeydə alınıb. Ən zəif inkişaf Qırğızıstan (1,8 %) və Ukraynada (2,7 %) müşahidə olunub.
Trend agentliyinin məlumatına əsasən, bu müddət ərzində MDB ölkələrində ilin əvvəlində foromalaşmış makro-iqtisadi göstəricilərin dinamikası, demək olar ki, olduğu kimi qalıb. Ötən ilin müvafiq dövrilə müqayisədə MDB ölkələrində ÜDM artımı orta hesabla 6%, sənaye məhsullarının istehsalı artımı isə 4% təşkil edib.
MDB ölkələrinin yarısında yüksək inflyasiya səviyyəsi qalmaqdadır. Bu rəqəm 8-11% təşkil edir. Sənaye məhsulları istehsalçılarının qiymət indeksi təxminən bütün ölkələrdə istehlak qiyməti indeksini orta hesabla 5% qabaqlayıb.
Əhalinin gəlirlərinin artımı 2006-cı ilin yanvar-aprel aylarında ötən ilin analoji müddətinə nisbətən inflyasiya artımını qabaqlayıb.