Hazırda respublikada 2032 təsərrüfat var və demək olar ki, onların hamısında islahatlar aparılıb. Trend in verdiyi xəbərə görə, bu barədə Torpaq və Kartoqrafiya üzrə Dövlət Komitəsinin başçısı Qərib Məmmədov bildirib. Azərbaycan ərazisi təxminən 8,6 milyon hektardır. Bunun 16,9 %-i dövlətə mənsubdur, 23,5%-i bələdiyyənin mülkiyyəti, 19,6%-i isə şəxsi mülkiyyətdir.
"41 təsərrüfatda cüzi islahatlar keçirilib və yalnız üçündə ümumiyyətlə islahat keçirilməyib", - deyə Q.Məmmədov qeyd edib.
Əhaliyə cəmi 3,5 milyon ha torpaq paylanıb, bu da təxminən 870 min ailə deməkdir. 1,4 milyon ha özəlləşdirilib. Respublikada 2700-dən çox bələdiyyə var. Bunlardan 59-u şəhər bələdiyyəsidir və onların 49-u Bakıda yerləşir.
Q.Məmmədovun qeyd etdiyi kimi, komitə ölkə xəritələrinin tərtib olunması istiqamətində fəal iş görür. Xəritələrin hazırlığı kosmik çəkilişlərin və qlobal pozisiyalaşma sisteminin (GPS) məlumatlarından istifadə etməklə, elektron formatda həyata keçirilir. Hazırda Yaponiyanın 2,2 milyon ABŞ dolları məbləğində qrant vəsaitləri hesabına Bakıda bütün məlumatların işləndiyi baza yaradılıb. Bundan başqa, komitə coğrafi məlumat sistemi yaradıb.