Yaxın vaxtlarda Zəkat Beynəlxalq Təşkilatının nəzdində Beynəlxalq İnkişaf bankı yaradılacaq. Trend in xəbər verdiyi kimi, bu barədə iyunun 21-də Bakıda İslam ölkələri Ticarət-Sənaye Palatasının prezidenti şeyx Saleh İbn Abdulla Kamal bəyan edib.
Onun sözlərinə görə, bankın əsas kapitalı $100 mlrd təşkil edəcək. Bankın fəaliyyəti aşağıdakı istiqamətləri əhatə edəcək: islam ölkələrində investisiya imkanlarının öyrənilməsi; islam ölkələrində işçi qüvvəsi mübadiləsi; turizmin inkişafı; azad zonaların yaradılması; informasiya mübadiləsi.
"Bankın fəaliyyəti Azərbaycanı da əhatə edəcək", - deyə o vurğulayıb.