Nazirlər Kabinetinin qərarı ilə 1 iyul 2006-cı ildən verilməyə başlayacaq ünvanlı dövlət sosial yardımını almaq üçün "ehtiyac meyarı"nın ölçüsü müəyyən olunub. Hökümətdən Trend ə verilən məlumata görə, 2006-cı ildə bu rəqəm 30 manatdır (150 min köhnə manat).
Əmək və Əhalinin Sosial Müdafiəsi Nazirliyində qeyd ediblər ki, hər il ölkədəki yaşama minimumundan asılı olaraq, ünvanlı yardımın yeni ölçüsü təsdiq olunacaq.
Ünvanlı sosial yardımın verilməsi üçün dövlət büdcəsindən 2006-cı il üzrə 72 milyon manat ayrılıb, lakin yardımın yarım il üçün veriləcəyini nəzərə alaraq, büdcə vəsaitlərinə qənaət oluna bilər. Ünvanlı yardım alacaq şəxslərin siyahısı hələ müəyyən olunmayıb, çünki komissiya işini hələ davam etdirir.
