Altı ay ərzində Bakı metropolitenindən 76 milyon 258 min nəfər istifadə edib. Trend in verdiyi xəbərə görə, proqnoza əsasən bu göstərici 70 milyon 700 min nəfər olmalı idi, bu isə proqnozun 7,9% artmasından xəbər verir.
Bu ilin iyun ayında metropolitenlə sərnişin daşınmasının ümumi həcmi 12 milyon 54,6 min nəfər təşkil edib. Bu dövrün proqnozu 11 milyon nəfər təşkil edib, bu isə 9,6% artım deməkdir. İyun ayı ərzində metropolitendən 510 min 500 nəfər imtiyazlı sərnişin istifadə edib.
