Milli Məclisin aqrar siyasət məsələləri daimi komissiyası aqrar sahənin tənzimləmək məqsədilə bir sıra qanun layihələri üzərində işləyir. Bu barədə Trend ə adıçəkilən komissiyadan bildiriblər.
Aqrar sahədə yaranmış boşluqları aradan qaldırmaq və problemləri həll etmək məqsədilə aqrar siasət məsələləri daimi komissiyasında "Dövlət torpaqlarının idarə olunması haqqında" qanun layihəsi hazırlanır. O da qeyd olunub ki, bu sahəni tənzimləyən sənəd olmadığından dövlət torpaqlarının idarə olunmasında problemlər mövcuddur. Qanunda əsasən qış və yay torpaqlarının istifadə olunması qaydaları əksini tapacaq.
O da bildirilib ki, komissiyada "Milli istehsalın stimullaşdırılması və ixracı haqqında", "Əkinçilik mədəniyyəti haqqında" da qanunlar üzərində iş aparılır. Eyni zamanda aqrar sahənin inkişafına nail olmaq məqsədilə qiymətli bitkilərin istehsalı və becərilməsi barədə hüquqi sənədlərin qəbulunun zəruriliyi vurğulanıb.