2006-cı ilin birinci yarımilində Azərbaycan 123 xarici ölkə ilə $5041698,6 min həcmində ticarət əməliyyatı həyata keçirib. Trend Dövlət Gümrük Komitəsinə istinadən xəbər verir ki, bu müddətdə 1675 mal növü üzrə $2924059,1 min həcmində ixrac həyata keçirilib, idxal olunan 4979 mal növünün dəyəri isə $2117639,5 min təşkil edib.
Beləliklə, ixrac-idxal əməliyyatları üzrə $806419,6 min həcmində müsbət saldo yaranıb.
İxrac əməliyyatlarının həcmi ötən ilin müvafiq dövrilə müqayisədə 123,02% ($1612948,2 min), idxal əməliyyatlarının həcmi isə 0,81% ($17028,1 min) artıb.
Bu artıma səbəb ölkəyə gətirilən müxtəlif avadanlıq, qara metal məmulatları, tütün məmulatları, dənli bitkilər, təbii qaz, quru nəqliyyat vasitələrinin həcminin artmasıdır.
