Layihənin hazırlığı gecikdiyindən Asiya İnkişaf Bankı (AİB) mikro və kənd maliyyələşdirilməsinə verilən krediti ləğv etməyi Azərbaycan hökümətinə təklif edib. İqtisadi İnkişaf Nazirliyindən (İİN) Trend ə verilən xəbərə görə, artıq Nazirlər Kabineti bu barədə məlumatlandırılıb, lakin hələ qəti qərar qəbul olunmayıb.
Nazirlikdə hesab edirlər ki, avqust ayında hökümət AİB kreditindən imtina edəcəyini və ya layihənin şəkli dəyişmiş formada həyata keçiriləcəyini müəyyən edəcək. Bu zaman belə bir ehtimal var ki, bank komponenti layihədə saxlanılacaq. Bu komponentə görə hökümət artıq bir dəfə kreditdən imtina etməyi təklif edib. Lakin İİN əmin idi ki, AİB-in layihəsində bankların regional infrastrukturunun inkişafını nəzərdə tutan komponenti saxlamaq lazımdır.
"Banklara yardım etmək lazımdır, ona görə də onların bölgə şəbəkəsini inkişaf etdirmələri üçün onlara ucuz kreditlərlə kömək etmək lazımdır. Pulların yüksək dəyərinə görə, əhalidən cəlb edilmiş vəsait hesabına filial açmaq banklara sərfəli deyil", - deyə iqtisadi inkişaf naziri Heydər Babayev o zaman Trend ə bildirib. Nəticədə belə bir razılıq əldə olunub ki, əgər kreditin reallaşması üçün onun məbləği azaldılsa, o zaman onu saxlamaq olar. Əvvəllər 25 milyon ABŞ dolları kreditdən 11,25 mln. ABŞ dollarını bankların bölgələrdəki filial şəbəkələrinin inkişafı üçün, eyni miqdarda - mikromaliyyələşdirmə üçün, 2,5 mln. ABŞ dollarının isə məsləhətçilər üçün ayrılması təklif edilirdi.
AİB ekspertləri ölkədəki vəziyyətlə tanış olduqdan sonra mikrokreditə böyük tələbat olduğuna əmin olublar və bununla əlaqədar bank kreditin həcmini 100 mln. ABŞ dollarına qədər artırıb. İlk tranş 25 mln. ABŞ dolları həcmində olacaq. Bu tranş 2-3 il ərzində uğurla mənimsənilərsə, hökümət ikinci, sonra isə üçüncü tranşı tələb edəcək.
Artıq iki il bu layihə hökümət tərəfindən gözdən keçirilib, lakin indi bu istiqamətdəki iş dondurulub.
Layihənin 5 il müddətinə həyata keçirilmə nəzərdə tutulub və bu, 2006-2010-cu illəri əhatə etməlidir.
