Azərbaycanda ipoteka kreditləşməsi sisteminin tətbiq olunduğu dövr ərzində Azərbaycan İpoteka Fondunun tərəfdaş bankları vasitəsilə 62 ipoteka krediti verilib. Bu barədə Trend ə AİF-dən bildirilib. Verilmiş ipoteka kreditlərinin ümumi məbləği 1,4 mln manatı keçir. Girov qoyulmuş mənzilin dəyəri isə 3 mln manat təşkil edir. Mart-iyul ayları ərzində artım tempi 165%-ə bərabərdir. Hazırda 150 kredit rəsmiləşdirilir.
İpoteka kreditinin orta məbləği 20-21 min manat, orta aylıq anuitet ödənişin həcmi - 250-260 manat, ipoteka ilə alınmış yaşayış sahəsinin orta ölçüsü - 50 kv, borc alanın orta yaşı 31 yaş, kredit üzrə orta dərəcə - 9,7% təşkil edir. Bununla belə, kreditlərin 35-36%-i illik 8-9%-lə verilib.
