Dəmir yolu ilə yüklərin danışmasında yaranmış problemin bir neçə səbəbi var ki, bura boş vaqonların Türkmənistan və Gürcüstandan qaytarılmaması, sərhədin keçilməsi və yük daşınmanın həcminin artması daxildir. Bu barədə Trend ə nəqliyyat nazirinin birinci müavini Musa Pənahov bildirib. Onun sözlərinə görə, hazırda sərhəddə qatarların hərəkətinə nəzarət gücləndirilib.
Gürcüstan dəmir yolunda ciddi problemlər müşahidə olunur. Buna görə Gürcüstan limanlarının istiqamətində yük daşınmasınmaya məhdudiyyət qoyulub. Gürcüstan limanları gələn yüklərin emalının öhdəsindən gəlmir və nəticədə sisternlərin boşaldılması yubanır və sistern çatışmazlığı müşahidə olunur.
Bununla əlaqədər vaqonlar respublikaya qaytarılmır və yüklərin danışmasında problemlər ortaya çıxır. 2006-cı ildə Azərbaycan Dövlət Dəmir Yolu (ADDY) idarəsi daşınmaların həcmini xeyli artırıb. ADDY-nin məlumatına əsasən, 2006-cı ilin birinci yarımilində dəmir yolu ilə yük danışmasının həcmi 15,1 mln. ton təşkil edib ki, bu da planda göstərilən həcmdən 3 mln. 311,6 min ton çoxdur. Bu müddət ərzində daşınan yüklərin 4 mln. tonu neft və neft məhsullarıdır.
Vaqonların böyük hissəsi - təxminən 800 vaqon Bakı Beynəlxalq Dəniz Ticarət Limanında yığılıb qalıb.Bu vaqonlar Türkmənistan və Qazaxıstana yüklərin daşınması üçün nəzərdə tutulub.