Azərbaycan Mikromaliyyələşdirmə Assosiasiyası (AMMA) avqustun sonunadək mikromaliyyələşdirmə bazarında tədqiqat keçirmək üçün donorları müəyyən etməyi planlaşdırıb. Bu barədə Trend ə assosiasiyadan xəbər veriblər. Tədqiqatlar qeyri-bank kredit təşkilatları tərəfindən verilən kreditlərin yüksək faiz dərəcələrindən narazı olduğunu bildirən ölkə hökümətinin tövsiyyələri çərçivəsində hazırlanmış layihə əsasında keçiriləcək. Bu barədə "Azərbaycanda vahid maliyyə sektorunun inkişafı" mövzusunda üçüncü Azərbaycan mikromaliyyələşdirmə konfransında baş nazir müavini Əli Həsənov bildirib.
AMMA-da qeyd ediblər ki, tədqiqatların keçirilməsi üçün təxminən 100 min ABŞ dolları tələb ounur. Bunun üçün 2-3 donor cəlb etmək lazımdır. Bir donordan artıq maliyyələşdirmə haqqında razılıq əldə olunub.
Bu tədqiqatın məqsədi kredit üzrə faiz dərəcələrinin bazar qaydalarına nə dərəcədə uyğun olmasının və bu və ya digər təşkilatın (banklar, kredit ittifaqları və qeyri-bank təşkilatları) hansı əsaslarla kreditin faiz dərəcəsini müəyyən etdiyini aydınlaşdırmaqdan ibarətdir. Və yalnız tədqiqatların nəticələri onların faiz dərəcələrini nə dərəcədə real müəyyənləşdirdiyini və bu xidmətlərin həmin faiz dərəcələrinə layiq olub-olmadığını göstərəcək.
Bu gün məhsulun növündən asılı olaraq, qeyri-bank kredit təşkilatları (QBKT) tərəfindən verilən kreditlər üçün müəyyənləşdirilən orta faiz dərəcəsi ayda 2-3% təşkil edir. AMMA-da bu qədər yüksək faiz dərəcəsinin səbəbi kimi QBKT-nin kredit altında fiziki girov tələb etməməsi, ona görə də riskin faiz dərəcəsi hesabına ödənilməsi göstərilir. Bununla əlaqədar onlar qrup zəmanəti anlayışından istifadə edirlər.
Digər tərəfdən, mikromaliyyə təşkilatları, banklardan fərqli olaraq, özləri ev-ev gəzərək, müştəri axtarır. Ona görə də onlar nəqliyyata, monitorinqlərin keçirilməsinə çox pul xərcləyirlər. Kənd sakinləri məlumat əldə edə bilmədiklərindən QBKT tərəfindən verilən mikrokreditlər kənd biznesinin inkişafına yardım edir.