...

AİB Azərbaycanın lizinq şirkətlərilə məsləhətləşmələrə başlayıb

Biznes və iqtisadiyyat xəbərləri Materials 11 Avqust 2006 18:40 (UTC +04:00)

Trend-i buradan izləyin

Azərbaycanın özəl sektorunun dəstəklənməsi layihəsi çərçivəsində Asiya İnkişaf Bankının lizinq sahəsindəki missiyası başda Vilyam Vilms olmaqla ölkənin lizinq şirkətlərilə məsləhətləşmələrə başlayıb. Bankın Bakı nümayəndəliyindən Trend ə verilən məlumata əsasən, hazırkı səfər tanışlıq xarakteri daşıyır və bank lizinq şirkətlərilə görüşlər əsasında gələcək əməkdaşlıq istiqamətlərini müəyyənləşdirəcək.

Lizinq fəaliyyətilə məşğul olan şirkət və banklardan başqa, Azərbaycan Lizinq Şirkətləri Assosiasiyası və İqtisadi İnkişaf Nazirliyində də görüşlər planlaşdırılır.

Assosiasiyadan Trend ə verilən məlumata əsasən, ALKA bir sıra təkliflə çıxış etmək niyyətindədir. Bu təkliflərə lizinq şirkətlərinin dəstəklənməsi üçün fondun yaradılması və investisiya fəaliyyətilə bağlı layihələr daxildir.

Özəl sektoru üçün nəzərdə tutulmuş ümumi büdcə $15 mln. təşkil edir. Layihə 2006-cı ilin martında AİB Direktorlar Şurasında bəyənilib.

İndiyə qədər layihə çərçivəsində Azəriqazbank və "Respublika" bankına hərəsi $4 mln. təşkil edən kredit xətləri açılıb.

Ümumilikdə, AİB-in layihəsində bank və lizinq şirkətlərinin səhmdar kapitalına investisiya yatırılması, kredit xətlərinin açılması nəzərdə tutulub.

Xəbər lenti

Xəbər lenti