Bu il Azərbaycan Dövlət Xəzər dəniz gəmiçiliyi təxminən 8 mln. ton neft və neft məhsulu daşımaq niyyətindədir. Trend in xəbər verdiyi kimi, bu barədə gəmiçiliyin başçısı Aydın Bəşirov bildirib. Onun sözlərinə görə, hər il daşınan neft və neft məhsullarının həcmi yük daşımalarının ümumi həcminin təxminən 70-80%-ni təşkil edir.
Yük daşımalarının ümumi həcmi təxminən 14 mln. ton səviyyəsində proqnozlaşdırılır. A.Bəşirovun sözlərinə görə, hazırda gəmiçilik təxminən 20 mln. ton müxtəlif yük nəql etmək iqtidarındadır.
