Maliyyə Nazirliyi 2006-cı ilin altı ayında Azərbaycan dövlət büdcəsinin icrasını açıqlayıb

Maliyyə Nazirliyi 2006-cı ilin altı ayında Azərbaycan dövlət büdcəsinin icrasını açıqlayıb. Trend nazirliyin məlumatına istinadən xəbər verir ki, yanvar-iyun aylarında maliyyə və makroiqtisadi göstəricilər ötən ilin həmin dövrü ilə müqayisədə xeyli yaxşılaşıb. ÜDM-nin həcmi 36,3% artaraq 7146,4 mln manat, adambaşına ÜDM 34,7% artaraq 856 manat ($943,9) təşkil edib.

Bu dövr ərzində 2006-cı ilin altı ayında bütün maliyyə mənbələri hesabına iqtisadiyyatın və sosial sahələrin inkişafına 2626,7 mln. manat və ya 2005-ci ilin eyni dövrü ilə müqayisədə 7,9 faiz çox investisiya yönəldilib, tikinti-quraşdırma işlərinin həcmi 10,0 faiz artaraq 1372,1 mln. manat olub.

2006-cı ilin yanvar-iyun aylarında ölkədə pərakəndə əmtəə dövriyyəsi 12,1 faiz artaraq 2698,2 mln. manat, əhaliyə göstərilən pullu xidmətlərin həcmi 34,6 faiz artaraq 603,6 mln. manat, əhalinin banklardakı əmanətləri 36,8 faiz artaraq iyun ayının 1-nə 581,4 mln. manat təşkil edib.

2005-ci ilin eyni dövrü ilə müqayisədə ölkədə işləyənlərin orta aylıq əmək haqqı 20,4 faiz artaraq 135,1 manat, əhalinin adambaşına düşən pul gəlirləri isə 18,3 faiz artaraq 580,7 manat təşkil edib.

2006-cı ilin yanvar-iyun ayları üzrə dövlət büdcəsinin mədaxil proqnozu 1516,1 mln. manata qarşı 1547,2 mln. manat və ya 102,1 faiz icra olunub ki, bu da 2005-ci ilin eyni dövrü ilə müqayisədə 634,2 mln. manat və ya 69,5 faiz çoxdur.

Büdcə daxilolmalarının 66,3 faizi və ya 1027,1 mln. manatı Iergilər Nazirliyi, 16,1 faizi və ya 249,5 mln. manatı Dövlət Gömrük Komitəsi, 14,6 faizi və ya 226,0 mln. manatı Dövlət Neft Fondu tərəfindən təmin edilib, 2,5 faizi və ya 39,4 mln. manatı büdcə təşkilatlarının ödənişli xidmətlərindən, 0,2 faizi və ya 3,8 mln. manatı digər mənbələrdən, 0,1 faizi və ya 1,5 mln. manatı isə Dövlət Əmlakının İdarə Edilməsi üzrə Dövlət Komitəsindən daxil olub.

Əlavə dəyər vergisi üzrə proqnoza 100,4 faiz əməl edilməklə büdcəyə 346,2 mln. manat vəsait ödənilib. Bunun 174,4 mln. manatı vergi orqanlarının (2005-ci ilin müvafiq dövrünə nisbətən 6,2 faiz çox), 171,8 mln. manatı gömrük orqanlarının (2005-ci ilin müvafiq dövrünə nisbətən 59,2 faiz çox) xətti ilə yığılıb. Büdcə gəlirlərində əlavə dəyər vergisinin xüsusi çəkisi 22,4 faiz olub. Aksiz vergisi üzrə proqnozun icrasına 104,0 faiz əməl edilməklə büdcəyə 68,5 mln. manat vəsait ödənilib. Iəsaitin 56,9 mln. manatı vergi orqanlarının, 11,6 mln. manatı isə gömrük orqanlarının xətti ilə toplanıb. Mənfəət vergisi üzrə büdcəyə 431,1 mln. manat (112,7 faiz) və ya proqnozla nəzərdə tutulduğundan 48,6 mln. manat çox vəsait ödənilib ki, bu da 2005-ci ilin müvafiq dövrü ilə müqayisədə 269,8 mln. manat (167,3 faiz) çoxdur.

Fiziki şəxslərdən gəlir vergisi üzrə proqnoza 101,4 faiz əməl olunmaqla büdcəyə 177,3 mln. manat vəsait ödənilib ki, bu da 2005-ci ilin müvafiq dövrü ilə müqayisədə 26,6 mln. manat və ya 17,6 faiz çoxdur.

Mədən vergisi üzrə büdcəyə 43,2 mln. manat və ya 2005-ci ilin eyni dövrü ilə müqayisədə 1,8 faiz çox vəsait ödənilib.

Əmlak vergisi üzrə proqnoza 101,3 faiz əməl edilməklə büdcəyə 24,8 mln. manat vəsait ödənilib ki, bu da 2005-ci ilin müvafiq dövrü ilə müqayisədə 5,6 mln. manat və ya 29,5 faiz çoxdur. Torpaq vergisi üzrə büdcəyə 8,2 mln. manat vəsait ödənilib ki, bu da 2005-ci ilin müvafiq dövrü ilə müqayisədə 1,2 mln. manat və ya 17,0 faiz çoxdur. Sadələşdirilmiş vergi üzrə büdcəyə 12,0 mln. manat vəsait daxil olub ki, bu da 102,5 faiz icra deməkdir. 2005-ci ilin yanvar-iyun ayları ilə müqayisədə bu göstərici 3,6 mln. manat və ya 42,2 faiz çoxdur. 2006-cı ilin yanvar-iyun aylarında yol vergisi üzrə proqnozun icrası 6,0 mln. manat və ya 117,2 faiz təşkil edib. Yol vergisinin 5,2 mln. manatı vergi, 0,8 mln. manatı gömrük orqanlarının xətti ilə yığılıb.

Dövlət büdcəsinin xərcləri 2006-cı ilin altı ayında istehsal olunmuş ümumi daxili məhsulun 20,2 faizini təşkil etməklə ötən ilin eyni dövrünə nisbətən 3,0 faiz çox olub. 2006-cı ilin altı ayında dövlət büdcəsinin icrasında 101,2 mln. manat profisit qeyd olunub.

Dövlət büdcəsinin müxtəlif istiqamətlər üzrə icra vəziyyəti (min manat):