Avtomobil yollarının salınması və yenidənqurulması ilə əlaqədar Azərbaycanda bituma böyük tələbat var. Bu barədə Trend ə Azərbaycanın Nəqliyyat Nazirliyindən məlumat verilib. Bu məsələni həll etmək üçün müxtəlif variantlar, o cümlədən bitumun alınma həcminin artırılması nəzərdən keçirilir.
2006-cı ilin 7 ayı ərzində avtomobil yollarının inşası və yenidənqurulması çərçivəsində təxminən 27 min ton neft bitumu əldə olunub. 2002-ci ildə bu göstərici 3850 ton, 2003-cü ildə - 9321 ton, 2004-cü ildə - 18 667 ton, 2005-ci ildə isə - 21 830 ton təşkil edib.
Bu ilin yanvar-iyul aylarında Azərbaycanda 78,8 min ton bitum istehsal olunub. Bu, ötən illə müqayisədə 38,2% çoxdur.
2006-cı ilin 7 ayı ərzində asfalt-beton istehsalı 558 min ton olub. 2005-ci ildə bu rəqəm 493,5 min ton, 2002-ci ildə 74 min ton, 2003-cü ildə - 230 min ton, 2004-cü ildə isə - 380 min tona bərabər olub.
