Azərbaycanın maliyyə naziri Samir Şərifovun sərəncamına əsasən, nazirliyin dövlət sığorta nəzarəti şöbəsinin yeni başçısı təyin olunub. Sığorta şöbəsinə Namiq Xəlilov rəhbərlik edəcək. Əvvəllər isə bu vəzifəni Bəybala Xankişiyev icra edib.
Yeni şöbə rəisi N.Xəlilovun Trend ə verdiyi məlumata görə, o, iyunun əvvəlindən Maliyyə Nazirliyində sığorta nəzarəti şöbəsinin rəis müavini işləyib. Buna qədər isə 6 il ərzində "Atəşgah" sığorta şirkətinin baş direktor müavini vəzifəsində çalışıb.
N.Xəlilov 1960-cı ildə anadan olub. Kiyev dövlət universitetinin beynəlxalq münasibətlər fakultəsini bitirib. Ailəlidir, iki övladı var.