AZAL Dövlət Konserni respublikadaxili reyslər həyata keçirmək üçün Fransa istehsalı olan 6 təyyarənin alınması üzrə maliyyə imkanlarını nəzərdən keçirir. Bu barədə Trend ə DK baş direktorunun I müavini Sabir İlyasov məlumat verib.
Bunlar 40-50 sərnişin tutumlu kiçik təyyarələr olacaq. Təyyarələrin Fransanın ATR şirkətinə məxsus olacağı nəzərdə tutulur.
Fransa təyyarələri analoji dərəcəli digər təyyarələrdən iki dəfə effektlidir. Azərbaycan biri ötən ilin dekabrında qəzaya uğramış Ukrayna istehsalı olan təyyarələri almaqdan hələ imtina etməyib.
AZAL qəzanın səbəblərinin öyrənilməsinədək AN-140-100 təyyarələrinin alınması və istismarını dayandırıb. AH-140-100 markalı təyyarə 8 iyul 2004-cü ildə AZAL və Xarkov Dövlət Aviasiya müəssisəsi arasında imzalanmış müqavilə üzrə alınmışdı. Müqavilədə, həmçinin, uçuş-texniki heyətin təlimi və təyyarələrə texniki xidmət göstərilməsi də nəzərdə tutulur. Müqavilənin dəyəri $36,4 mln (4 təyyarənin hər biri $9,1 mln) təşkil edir.
