Oktyabr-noyabr aylarında Urumçidə (Çin Xalq Respublikasının Sindzyan-Uyqur muxtariyyəti) Asiya İnkişaf Bankının Mərkəzi Asiya regional iqtisadi əməkdaşlıq proqramı (CAREC) üzrə nazirlərin görüşü gözlənilir.
İqtisadi İnkişaf Nazirliyinin investisiya və beynəlxalq iqtisadi əməkdaşlıq şöbəsinin rəhbəri Elşən Məmmədzadənin Trend ə verdiyi xəbərə görə, adıçəkilən görüşdə CAREC-in yüksək vəzifəli şəxslərinin avqustun 28-də keçirilmiş görüşü zamanı işlənməsinə başlanılmış proqramın qəbul olunacağı gözlənilir.
Azərbaycan tərəfdən görüşdə Dövlət Gömrük Komitəsinin və İqtisadi İnkişaf Nazirliyinin nümayəndələri iştirak ediblər, - deyə E. Məmmədzadə qeyd edib. Görüş çərçivəsində regional əməkdaşlığın yaxşılaşdırılması imkanları, tranzit və ticarət məsələləri nəzərdən keçirilib, eləcə də energetika və digər regional layihələr müzakirə olunub.
Nazirlərin görüşündə iqtisadi inkişaf naziri və ya nazir müavinləri iştirak edə bilərlər.