...

Azərbaycanın nümayəndə heyəti İsveçin gömrük sahəsində təcrübəsi ilə tanış olur

Biznes və iqtisadiyyat xəbərləri Materials 11 Sentyabr 2006 14:03 (UTC +04:00)

Trend-i buradan izləyin

Dövlət Gömrük Komitəsi (DGK), Nazirlər Kabineti, Milli Məclis, Ədliyyə Nazirliyi və BMT-nin İnkişaf Proqramının (UN DP) nümayəndələrinin daxil olduğu Azərbaycanın nümayəndə heyəti işgüzar səfərlə İsveçə yola düşüb. Səfər Azərbaycanda gömrük sisteminin təkmilləşdirilməsi layihəsi çərçivəsində sentyabrın 11-dən 17-dək baş tutacaq. Bu barədə Trend xəbər verir. Nümayəndə heyətinə DGK -nin sədr müavini Əsgər Abdullayev başçılıq edir. Həftə ərzində Azərbaycan nümayəndələri İsveçin gömrük sistemi ilə tanış olacaq, həmin ölkənin gömrük orqanlarının rəhbər şəxsləri ilə görüşlər keçirəcəklər.

Səfərin əsas məqsədi İsveçin gömrük məcəlləsinin təcrübəsinin öyrənilməsidir.

Avropa Komissiyasının vəsaitləri ilə maliyyələşən və UNDP tərəfindən gerçəkləşdirilən illik layihə 2006-cı ilin yanvar ayında başlanıb. 900 min avro məbləğində layihənin məqsədi gömrük sahəsində qanunverici bazanın təkmilləşdirilməsində, onun dünya standartlarına, xüsusilə də Avropa Birliyinin gömrük məcəlləsinə uyğunlaşdırılmasında DGK-ya yardım etmək, DGK-nin informasiya texnologiyalarının inkişaf strategiyasının təkmilləşdirilməsi və həyata keçirilməsindən ibarətdir.

Xəbər lenti

Xəbər lenti