Azərbaycan mütəxəssisi BMT-nin Ərzaq və kənd təsərrüfatı təşkilatının (Food and Agriculture Organization of the United Nations -FAO) maliyyə dəstəyi ilə təşkil olunmuş, Çexiyanın Kənd Təsərrüfatı Nazirliyi tərəfindən keçirilən beynəlxalq seminarda iştirak edəcək. Azərbaycan Kənd Təsərrüfatı Nazirliyinin elm-aqrar mərkəzindən Trend ə verilən xəbərə görə, tədbirdə mərkəzin elmi-tədqiqat işlərinin koordinasiyası şöbəsinin rəhbəri Zülfüqar Məmmədov iştirak edəcək.
"Transgen qarğıdalının misalında bitki məhsullarının istehsalı zamanı biotexnologiyanın idarə olunması və ondan istifadə" mövzusunda seminar oktyabrın 14-dən 21-ə qədər Praqada keçiriləcək. Tədbirə Şərqi Avropa və MDB mütəxəssisləri dəvət olunub.
Tərkibində digər bitki və heyvan növlərindən götürülmüş genin (və ya genlər) uğurla inkişaf etdiyi bitki və orqanizm növləri transgen adlanır. Bu, bitki -resipiyentin insan üçün əlverişli olan yeni xüsusiyyətlər əldə etməsi, viruslara, herbisidlərə, zərərvericilərə və bitki xəstəliklərinə qarşı çox davamlı olması üçün edilir. Genlə dəyişdirilmiş bitkilərdən alınan ərzaq məhsulları yaxşı dad keyfiyyətlərinə, daha yaxşı görünüşə malik ola bilər və saxlama müddəti çox ola bilər. Bununla yanaşı, çox vaxt belə bitkilər təbii analoqları ilə müqayisədə daha zəngin və sabit məhsul verir.
